بقلم
: شريف فرج
الموضوع
بسيط
, أقلع كل هدومك , وألبس كل اللبس الأبيض اللى عندك , لو معندكش اشترى , أدخل أوضة نومك، أقفل بابك
, أرمى موبايلك والتليفزيون والكمبيوتر
والانترنت والـ mp3والراديو، شيل الدواليب
والبراويز والسرير والكومود وأى حتة خشب طلعها بره
, أقفل شباكك , سيب فتحة متعرفش توصلها لو
نطيت , وحط عليه حديد .. تمام؟.
جهزت
المكان ؟ , لأ لسه شوية بص لكورنر الأوضة تخيل حفرة، وحنفية على ارتفاع 25 سم ,
غطى المكان ده بملاية متعلقة على حبل , تمام
كده بقى عندك حمام , كده
المكان تقريبا جاهز.
إنسى بقى كل حاجتك اللى رميتها من الأوضة
دى , لأنك مش هتطلع منها نهائيًا وهدومك البيضا اللى جمعتها لمها فى كيس أو شنطة ,
الكيس أنضف , هتعرف ليه مع الوقت, , إنسى
إن أهلك موجودين بره الباب ده , مش هتسمع أى حاجة من بره غير تليفزيون على القناة
الأولى أو التانية ويمكن قناة النيل للأفلام , يعنى مش هتسمع غير "تسلم
الأيادى" بس .
الأكيد
إن فى صداع وزعيق وشتيمة من أبشع الشتائم , دى هتبقى واضحة ومفهومة, هتتعرف على
أسامى جديدة, شفة , بطة , العريان , ضبو , خربوها , مش مهم .
كل
يوم الصبح الساعة 7 هيفتح عليك الباب تطلع الزبالة , وهتلاقى شوية طماطم وخيار
وعلبة جبنة مرميين على الأرض , خدهم بسرعة علشان هيتقفل الباب,
حاول تكمل نومك , ساعتين هيفتح عليك الباب تانى تخرج بره
الأوضة , هتتمشى فى الطرقة ½ ساعة , طبعا مفيش خروج يوم الجمعة ولا أى يوم أجازة,
, تمام ؟ ادخل تانى , ربنا معاك بقى لتانى
يوم الساعة 7 الصبح.
أهلك
.. فاكرهم ؟ , طب الحمد لله هيجولك ½ ساعة كل أسبوع , كانوا 10 دقايق قبل كده, مش هتشوفهم كلهم , هتشوف 2 بس كل أسبوع , ممكن يبقوا بالصدفة 3 بس متتعودش على كده ,
هيجيبولك أكل , خلصه فى نفس اليوم علشان لو ركنته هيبوظ
من الحر أو الصراصير , متقرفش منهم مش هتعرف أصلا بييجوا منين.
أصحابك
.. فاكرهم ؟ , إنساهم بقى , وقرايبك ونسايبك انساهم برضه
, حاول بقى تستخدم كل شئ حواليك
, إعمل من الصابون لصق، ومن الزيت نار، ومن
كرتونة المياه ترابيزة وكرسى، شد حبل فى الاوضة واعمله حبل غسيل
.
تمام
؟ , انت كده فى السجن فاضل حاجة مهمة مفروض تعرفها
, لو بنتك هتتجوز مش هتحضر فرحها لو أخوك
مسافر مش هتودعه , لو أمك ماتت مش هتحضر جنازتها , شغلك واقف , حياتك مجمدة , أهلك
وحشوك , ومراتك هتموت من شوقها ليك ... تمام؟ كده تقريبا شبه السجن .
تعيش
كام يوم كده , وإفتكر
إنك مبرطع فى أوضتك , معكش 11 واحد كمان فى نفس المساحة ,
أنا بقالى 180 يوم كده ,
½ سنة إذا أردت أن تعلم مدى معاناة
المعتقلين , تخيل هذا الوضع التقريبى , وجرب ولو يوم لتشعر بهم , كم يعانى ناس - أصحاب
أو معارف أو حتى ناس بس سمعت بيهم - من ظلم السلطة
, وأعرف إن اللى ايده فى المياه مش زى اللى
ايده فى النار .
كاتب هذا المقال : معيد بكلية الفنون الجميلة – جامعة الإسكندرية , وعضو بحملة
"إنقذوا الإسكندرية" المهتمة بالحفاظ على التراث المعماري للمدينة ,
حاصل على شهادة تقدير من جامعة الإسكندرية على مشاركته فالفعالة في محمية رأس سدر
بجنوب سيناء , وحاصل على شهادة التخطيط الإستراتيجي من مركز تنمية قدرات هيئة
التدريس والقيادات ,عضو مؤسس للأسرة الطلابية "دوشة",عضو مؤسس لاتحاد شباب هيئة التدريس
بالجامعات المصرية,ممثل المعيدين والمدرسين المساعدين بالجامعات المصرية بالمجلس
الاستشاري لوزارة التعليم العالي, سفير للشباب المصري تحت 30 عام في مؤتمرSafir
labبفرنسا
مع شباب من مختلف دول العالم.
حصل على الماجستير في تخصص العمارة ,
بمناقشة رسالة حول "الفن المعماري" داخل "سجن الحضرة" , بعد رفض
إدارة السجن خروجه للمناقشة , كما رفضت حضور أ من ذويه لتلك المناقشة , وهو محبوس
إحتياطيا ً لمدة ذات عن 100 يوم , على خلفية قضايا أحداث 14 و16 أغسطس 2013
, المتعلقة بالمظاهرات
التي خرجت عقب فض اعتصامي رابعة والنهضة، ويواجه إلى جانب عشرات آخرين عدد من التهم
, على رأسها قتل 34 شخصاً وإصابة 33 آخرين والشروع في قتلهم والتجمهر وإستخدام
العنف , وهو ما نفته نهى منصور – خطيبته , وأكدت أن ذلك تزامن مع احتفالهما
بخطبتهما , وأنهما تواجدا معا خلال تلك الأحداص وبعيدا ً عنها.
وموقع محلي الإسكندرية إذ ينشر هذا المقال في إطار التضامن البسيط والرمزي مع
"شريف فرج" , ويؤكد على مطلب "الحرية للجدعان".
المواضيع المرتبطة :
ليست هناك تعليقات:
إرسال تعليق