محلي الإسكندرية : إسلام ابو المجد
تفقدت اليوم سعاد الخولى نائب
المحافظ , شاطىء "مظلوم"
بمنطقة جليم , قامت بـ "التأكيد" على إزالة السور الخشبى الموجود , حرصاً
على عدم حجب الرؤية عن البحر , وقد رافقها أحمد حجازى رئيس الإدارة المركزية للسياحة
والمصايف .
وكان عدد من النشطاء على مواقع التواصل
الإجتماعي قد تداولوا صورة لسور أقيم حول شاطئ "مظلوم" , وقد حجب رؤية
المواطنين للبحر .
وقد علق عدد من المواطنين على
"تأكيد" نائب المحافظ بإزالة سور شاطئ "مظلوم" كما يلي:
قال صلاح هريدي : " لا مش حلو ولا
كفاية , المباني اللي علي الشط في حرم
البحر كبيرة جداً بالحديد والطوب وقافلة البحر كله , ولازم نشوف موقف الممشي , هذا غصب لحق
المواطنين".
قالت نهى عبد الرسول : " طيب ما فهمناش
برضه المكان متأجر لمين وليه متأجر أصلا؟ مش قلتم شواطئ وكورنيش إسكندرية ملك
للجميع؟".
وقال محمد عبده
: "إحنا مش عارفين الأماكن دي بتتأجر إمتي ولمين و بكام؟ الشعب في التلاجة".
وقالت جاكلين
سمير : " لا والله اصل المشكلة في السور الخشبي مش في الشواطئ اللي اكلتها
الشركات الخاصة".
وقال هشام بدر :
" السور موجود و لم يتم أزالته الباشا اللى مأجر المكان حط واحد واقف يبعد
الناس عنه , وبسؤاله أنتوا حتشيلوا السور ضحك ياياشا دول ممكن يغطوا البحر لوحبوا المحافظة
جت أمبارح أتصوروا و خلاص , والمؤجر مش
حيشيله ده دافع الالافات تأجير ".
وقالت عفاف شعبان : " يجب معاقبة من وضع هذا السور و من وافق على ذلك لأنه فاسد و مش محترم
و يجب معاقبته فورا , هو فاكر الشاطيء ده ورث أبوه , الكورنيش ده ملك للمصريين " , وأضافت : " عيب عليكم تسوير
شاطئ اسكندرية , الكورنيش ده ملك الشعب وليس اللواء المسؤول عن السياحة
بالاسكندرية , ده لازم يقال فورا و يتم تغييره بخريجى السياحة و الفنادق" .
وقالت تهاني
المصري : " هناك فرق كبير مابين , تم التأكيد على إزالة السور الخشبي , ومابين
, تم إزالة السور الخشبي, ".
وقالت أمل أمين
: " حضرتك شلتي السور , ولكن ممكن حد
يعرفنا أية اللي بيحصل ورا السور ؟ , مباني حديد وطوب إسمنتي و قطاعات خشب و تكسير
في الممشي اللي كنّا بنجري عليه".
ليست هناك تعليقات:
إرسال تعليق