 |
| موقف الميكروباص العشوائي بباكوس داخل حرم الترام |
محلي – الإسكندرية : نور النسر
فى اطار البحث عن حل مشكلة الإنفلات
المرورى بمنطقة باكوس , كان يجب أن نتعرف على أراء جميع الأطراف ذات الصلة
بالمشكلة , لذلك نزلنا إلى محطة باكوس بجوار موقف "الميكروباص" العشوائي
الذي تكون هناك , وقابلنا أهالي المنطقة لنسمع منهم :
قالت "سماح" إحدى المارة : "هى الترام بتعدى ولا إتلغت؟" , وذلك حيث ظن الكثير ان الترام تم منع مرورها من منطقة باكوس وقاموا بعمل موقف ميكروباص بديلاً عنها.
 |
| موقف الميكروباص العشوائي بباكوس على قضبان الترام |
قال "سامح" المسئول عن موقف السيارات : "دى مش شغلتى أنا راجل سماك , لكن أنا لاقيت انى أولى بيها من غيرى , هنلاقى بيه من غيرى هتلاقى اللى هيقف , وبعدين جت علينا انتم تمسكوا فىينا وسايبين الأهم".
وقد وجهه" سامح " اللوم على المحلات قائلاً : "شوفوا المحلات اللى مطلعة بضاعتها لحد نص الشارع لو كل واحد فيهم التزم بمكانة بس كان هيبقى فى وسع" .
كما أكد "سامح" بقوله : "الدنيا بتعدى ومافيش أزمة ولا حاجة و سواقين الترام اصحابى" , وأضاف : "الحكومة بتمشينا وبنرجع تانى , وكنت فى الأول بتعارك معاهم لكن داوقتى بقينا نمشى ونرجع تانى" , وأنهى حدثيثه بالقول : "شاغلين بالكم بينا ليه , اللى أنتم شايفينه إعملوه المهم انكم ما تأزوناش فى حاجة" .
ومن الجدير بالذكر أن "سامح"
ياخذ "فردة" 2 جنيه عن كل ميكروباص حيث يوجد حوالى 50 ميكروباص مقسمان
على شفتين نهارى من 8 صباحا ومسائى حتى ميعاد الحظ .
وقال "محمد" أحد بائعي الأسماك بالمنطقة : "إحنا بنعانى من سوء الحركة , ولا عارفين نبيع ولا نقف , وعراك كل شوية وحاجة صعبة يا ريت تشوفولنا حل فى الموضوع دا" .
وقال "سامر" صاحب أحد محلات الحلوى بالمنطقة : "إحنا متعذبين من المنظر اللى شايفينه طول اليوم قدمنا , لا الناس ولا العربيات عارفة تعدى , وكل ما الترام تعدى تحصل مشكلة بين سواقين المشاريع وبين سواقين الترام - شوفولنا حل" .
المواضيع المرتبطة
ليست هناك تعليقات:
إرسال تعليق