 |
| صورة أرشيفية |
محلي – الإسكندرية : إسلام أبو المجد
قام عدد من السكندريين بالتعليق على
هزيمة المنتخب المصري أمام المنتخب الغاني لكرة القدم 6-1 , وجاءت التعليقات كما
يلي :
قال رضا عيسى : "أكيد حكومة
الببلاوى زعلانة بعد الهزيمة التقيلة من غانا , لو كنا كسبنا كان كل الناس إتلهوا
فى الكورة ومباراة العودة ونسيوا الحكومة المرتعشة".
وقالت زينب عوض الله : " الحمد
لله ....و كانوا قالوا من انجازات الحكومة".
وقال محمد حسني : " وتعالت
هتافات التشجيع بحماس منقطع النظير بعد دخول الهدف السادس لغانا .المقهي اللي تحت
البيت , المصريين
بيشجعوا غانا واحنا معاهم".
وقال محمود محمد : "أحنا شعب نحس
مفيش كدة فى الدنيا مش هشوف كورة تانى هى ناقصة نكد".
وقال أحمد كريم : " غانا العيد
اهو غانا العيد , الله يخرب بيتك يالي في بالي, ادي اخرة البث البطال".
وقال عمرو قنديل : " حلم صعود مصر لكاس
العالم يمكن تحقيقه فقط في البلاي ستيشن".
وقال إسلام رضوان : " من لايجتهد
للحصول علي الفوز لا يستحق إلا الهزيمة.. منتخب مصر".
وقالت منى حلمي : " هو مينفعش
نقول ل غانا كده اوكيه كفايه بقي .. استروا علينا وبﻻها ماتش عوده ".
وقال محمد الخضري : " الفريق
السيسى هيعملنا خارطة طريق للوصول لكأس العالم , وهنفض منتخب غانا فى ملعب
برج العرب".
ليست هناك تعليقات:
إرسال تعليق