 |
| محمد حسني جبرتي الثورة يصور أيام المخلوع |
محلي – الإسكندرية : إسلام أبو المجد
أجاب محمد حسني الناشط السياسي والمصور والملقب بجبرتي
الثورة : "أنا بخير وكويس جداً" , حول سؤاله عن حالته بعد الإعتداء عليه
أمس من قبل منتمين لمؤيدي "مرسي" بسيدي جابر.
وقال محمد حسني : "وصلت إلي سيدي جابر حوالي الساعه 4 عصراً , دخلت مسيرة من الاخوان هتفت أرحل ... أرحل , ودخلوا هجموا علي كل شئ , اليفط البانرات الناس تلويش في أي حد اهل الحته والمحلات أي حد يعترض طريقهم ".
وأضاف محمد حسني : "طلعت علي السلم الكهربائي عشان أصور دخولهم واللي بيعملوه , وتحديداً حين هجموا علي شاب صغير كان يقف أعلي محطه ترام سيدي جابر ".
واشار محمد حسني
: "كنت أصور ذلك طلع عليا واحد إخواني ملثم طالبني بالكف عن التصوير وأعطائه الكاميرا
رفضت ,استدعى 3 كمان من تحت , أتنين كتفوني وواحد مسك ايدي والاخر فتح وسحب
الميموري لان كانت الكاميرا رابطها في ايدي , مع كام ضرب وزغد وضيعتوا البلد والاسلام قادم
وضرب كام شلوت , ونزلوا من علي الكوبري, قمت ونزلت وطبعا ببطئ لحالة رجلي وركبتي المخلوعه سابقا ".
وإستكمل محمد حسني حديثه : "المهم نزلت وبحثت عن
الشخص الملثم اللي خد مني الميموري , وزعقت إن ده سرق الميموري ,وفي الوقت ده كان
دخل بقي باقي الاخوان من الزهرات والمخمرات والرجال كبار السن , فإتلم كذا شخص ملتحي
وكبير السن وخلوه يرجعلي الميموري بشرط مسح اللي عليه وحط الميموري في الكاميرا
ومسح ما عليه " .
وقال محمد حسني : "دخلت في داخل محل حتي وصلوا الي
المنطقه الشماليه , وبدؤا في ضرب الخرطوش علي الشباب , اللي بدء يتجمع في سيدي
جابر مره تانيه , وكمان علي أهالي المنطقه اللي في الشوارع الجانبيه بغباء منقطع النظير".
وأضاف : "بعديها كملت في رصد كم الاسلحه وضرب الخرطوش من قبل الاخوان من احدي البلكوونات المطله علي شارع المشير بالدور الثالث , وضربوا عليا خرطوش ايضا فكنت أحتمي بسور البلكونة , وأصبت إصابات طفيفه ".
وتابع محمد حسني : " وحين أتت الشرطه والجيش في حدود الساعه 5 الي 5.30 , وإحتموا
وراء الحواجز بقرب المنطقه الشمالية , طبعا الخرطوش كان زي الرز والكل نال منه ".
وأكد محمد حسني أنه مستمر في الرصد والتوثيق .
ومن الجدير بالذكر أن محمد حسني مهندس الكمبيوتر ابن
محافظة القاهرة , والمقيم من قبل الثورة المصرية , أخذ نهج الجبرتي
في التأريخ باستخدام الصورة فقد قام
"" بتوثيق جميع مراحل ثورة 25 يناير منذ أن خرج الشعب ليعبر عن حلمه
بالتغيير ورصدها بالصوت والصورة منذ بداية إرهاصاتها في 6 إبريل 2006 وحتى الآن .
المواضيع المرتبطة
محمد حسنى فى الحقيقة ليس ابن محافظة الاسكندرية ... و لكنه ابن محافظة القاهرة ( حى شبرا مصر ) و كلنا نحسد عليه الإسكنرية الآن .
ردحذفألف سلامة يا باشمهندس
ولا نامت أعين الجبناء