 |
| صورة أرشيفية |
محلي الإسكندرية – إسلام أبو المجد, سمية علي
توالت تعليقات السكندريين على صفحات موقع التواصل
الإجتماعي "الفيسبوك" حول مطالبة "السيسي" للمواطنين الشرفاء
بالنزول للميادين يوم الجمعة القادمة , وجاءت تلك التعليقات كما يلي :
·
قال الدكتور يوسف زيدان الأديب والكاتب : "الفريق
السيسى ، لم يُصرّح بكل ما يعرفه", و"أرى الفتنَ مقبلةً مثل قطع الليلِ
الأسود ، لكن زمانَ اسودادِها لن يطول . . لن يطول" .
·
قال إبراهيم السهاري : "سيقولون لكم:" لا صوت
يعلو فوق صوت التفويض" .. لذا لا تمنحوا القتلة والمجرمين ثقتكم لمجرد كرهكم
للإخوان.. ولو فعلتم فأنتم الهدف القادم علي مذبح آلة العسكر والجيش".
·
قال محمود حسن : "رأيي الشخصي ... إن السيسي لا
حيفض الإعتصامات , ولا عايز تصعيد عنيف مع الإخوان , الفكرة إن المفاوضات بين الجيش
والإخوان اللي بيعملها اللواء العصار ، ومن طرف الإخوان محمد علي بشر , المفاوضات
دي زي ما سمعنا في الأيام اللي فاتت تعثرت لأن الطرفين رؤيتهم مش متلاقية مع بعض
وسقف طموحاتهم بعيد جدا , في رأيي السيسي مش حيقلب البلد ساحة مواجهات مفتوحة ،
هوا عايز كارت جديد يلاعب بيه الإخوان على طرابيزة المفاوضات، ويواجه تصعيداتهم
الأخيرة بتصعيدات مقابلة , ويواجه روحهم المعنوية اللي بترتفع لما يشوفوا نفسهم كتير
في الشوارع , بحشود مضادة توجع نفسيتهم المأفورة , على العموم خلينا نتفرج .. واضح
ان اللعب حيحلو ..".
·
وقال مينا شوقي : "الشعب يصنع فرعون جديد
! #خايف".
·
وقال أحمد طارق : "أما مستقبل العنف خلال الـ 72
ساعة المقبلين فمشاهد النص الثاني من فيلم "الجزيرة" ستفي بالغرض ورحم الله قتلي الجميع في
الأحداث المقبلة."
·
وقال حسن خليل : "ثورة 30 يونيو النصف
الأول كان سهل و لذيذ زي الكرنفال .. نحن الآن في النصف الجد من ثورة 30 يونيو .
نحن الآن في موقعة جمل طويلة جدا لثورة 30 يونيو".
·
وقال عمرو الجزار : "بصوت عالى و جهورى, المواطن
المستشار الرئيس / عدلى محمود منصور , الرد أتانى / غياب ياا أفندم " ,
و"العنف و اﻷرهاب ﻻ يحتاج تفويض للتعامل معه , للدعوة مغزى أخر ؟".
·
وقالت نهى كمال : " بعد انتظار نشطائى كبير , الليلة
اول ليلة عرض الفيلم الكبير أيدك معايا والنبى يا شعب , إنتاج مشترك بين القطاع
الفنى العسكرى والداخلية , اخيرا سقطت ورق التوت".
·
وقال محمد الباقر : "انهي المشهد والاحداث بعدلك
وحكمتك ... يارب".
·
وقال محمد مراد : "الجيش عايز الناس تنزل عشان يثبت
للعالم برة وجوة انه بينفذ ارادة الشعب وان مش بينحاز لطرف على حساب طرف وإنما
بينحاز لأكثرية على حساب أقلية, والمتوقع في حالة نجاح الحشد إن الجيش هيعمل بيان
يوم الجمعة أو السبت يطالب فيه الجميع بالانسحاب من الميادين وأولهم بتوع رابعة,ومن
ناحيتهم الإخوان حيتجهوا للتصعيد أكثر نحو العنف وإحداث بلبلة أكثر في البلاد..
والجيش في الحالة دي هيفرض إجراءات أمنية مشددة على مناطق بعينها."
·
وقالت شيماء سعيد : "السيسى لم يطلب تفويض بالقتل ,
السيسى طالب تفويض بالتعامل معاهم يعنى فض الاعتصام بدرجات مختلفة تبعا للمقاومة ,
الراجل عاقل جدا و تفكيره منظم و غير متهور ليه نفكر فى القتل طالما فى اعتقال".
·
وقالت مي سعيد : "بالرغم ان دي مهمة سيادتك اصلا
بما انك وزير الدفاع و منصبك ومسئوليتك يحتموا عليك مواجهة كل تهديد لامن
المواطنين , لكن ماشي نازلين ياعم خلينا نشوف أخرتها".
المواضيع المرتبطة :
النزول داه واجب عشان صورته امام الدول الخارجية و الأمم المتحده و الراجل من غير تفويض اصلا شغال وة بيعمل الى عليه لكن نزولنا عشان ما يبقاش فى ملامة و كثر كلام و ينتهى بقى القرف الى احنا فيه داه
ردحذف