 |
| سائقي الأجرة بالإسكندرية يصرخون " عايزين ناكل عيش " |
محلي – الإسكندرية : إسلام أبو المجد
قام سائقي الميكروباص والتاكسي بالإسكندرية اليوم بتوزيع منشور في
اليوم الثاني للإضراب الجزئي للسائقين , تضمن المنشور مطالب سائقي الأجرة , والتي
نصت على الأتي :
1-
عايزين رخصة مهنية ثانية – ثالثة من غير ما ندفع رشوة أو إتاوة خاصة
الـ 550 بتوع مدرسة السواقة .
2-
عايزين إدارة مرور تشيل 50 % من المخلفات وتعفينا منها لأننا أصلا
بناخدها وأحنا نايمين في البيوت وعشان خلاص احنا هنبيع هدومنا .
3-
عايزين جاز ومنفضلش واقفين في البنزينة بالساعات كل يوم طوابير .
4-
عايزين الحكومة تنسى القرار بتاع رفع الدعم عن البنزين وقرار تحديد
الـ 30 لتر في اليوم لأن لو حصل ده هنشحت وإحنا لوشحتنا هنوقف البلد وخلي الحكومة
توفر مواصلات للناس .
وأكد البيان : " من الآخر عايزين ناكل عيش بالحلال والحكومة تتقي
ربنا فينا عشان إحنا اتخنقنا وعايزين الناس تعذرنا لما بنرفع الأجرة بس الحكومة هي
اللي بتخلينا نعمل كده ومن هنا ورايح هنقف للحكومة علشان الأجرة متغلاش على الناس
الغلابة اللي مننا " .
 |
| منشور سائقي الأجرة بالإسكندرية " عايزين ناكل عيش " |
ليست هناك تعليقات:
إرسال تعليق