 |
| الشيخ محمد يسري سلامة في إحدى المظاهرات صورة مهداة من رسامة فلسطينية للمناضل محمد يسري سلامة تحت إسم جيفارا العربي المسلم |
محلي – الإسكندرية
إنتقل الدكتور "محمد يسري سلامة" إلى
دار الحق , فقدت الإسكندرية ومصر كلها ثائر حق , مناضل لم يكن يخشى في الحق لومة
لائم , رحل عن دنيانا إلى رفاق الكفاح عم جلال عامر , والشيخ رفعت , وجيكا , وكريستي
, ومينا دانيال , وآخرون كثر.
وسنحاول نقل حزن ومشاعر بعض السكندريين على
فراق الشيخ المناضل "محمد يسري سلامة":
قال أحمد حمدي : " يا عم محمد يسري سلامه انا كنت
بشوفك أمل كبيييير قوي كل ما تسود الدنيا ف عيني على أيد تجار الدين , هو ليه كل الناس
الكويسيين بيسبونا ويمشوا ؟!!! طب خدونا معاكو طيب :"(".
وقال أحمد سعد زايد : " عرفته مناضل ثوري بحق يحمل
احلاما و نقاءا ثوريا صادقا , عرفته رحالة يجوب البلاد بحث عن المعرفة والحقيقة
قابل علماء من كافة المشارب في بلاد يعلم عددها وعددهم الله".
وقالت بسمة فوزي :" :( بفتكر آخر مرة شفت حضرتك
فيها كنت فى مسيرة من المسيرات و الشباب قعدت تهتف و انت بتهتف وراهم وانت بتهتف
واحنا بنهتف وراك لحد لما زميلي قالى : ايه مش هتهتفى ؟! و كنت ماشى جمبنا قلتله
بالدور .. قمت ابتسمت و قلتلى اهتفى انتى بعد اللى بيهتف ده و هتفت و حضرتك رديت
ورايا ساعتها بس حسيت بمنتهى الفخر :)".
وقال مروان ياسين : " جلال_عامر .. محمد يسري سلامة
.. الشيخ عماد عفت .. نفس الحزن ونفس ردود الأفعال .. طيب هو كده باقيلنا مين بقى
من المحترمين
!!, لقد
هرمنا يا أمي وأصبح لنا أصدقاء نزورهم ..... في المقابر".
وقال سليم الهواري : " مات من عراهم ليصبحوا من بعده
عراه مات من تمسك بالحق ليعيشوا هم علي باطل مات الخلوق محمد يسري سلامه وبقي
الجبناء علي قيدالحياه رحمة الله عليه".
وقالت سعاد أبو غازي : " البكى على محمد يسري سلامة
مش هيجي دلوقتي، هيجي وقت ما نحتاجه وما نلاقيهوش.. الموجود دلوقتي صدمة ومحاولة
استيعاب اننا فقدناه فعلا" .
وقال مينا بساده : " محمد يسري سلامة مات ....
الانسانية بتختفي من وسطينا !" .
وقال بنيامين إسكندر: " مات جلال عامر فماتت البسمة , ثم الشيخ عماد عفت
فمات التفائل , ثم محمد يسرى سلامة فماتت المبادئ .., رحمهم الله جميعاً :("
.
وقالت سمية علي : " الشخصيات الرائعة ذات الطابع الأصيل واللي دايما بتاخدنا
للخير وتغير وجهة نظرنا في الأفكار ويبقي لها تأثير قوي ومحبوبة بين الناس ... د.
محمد يسري سلامة من دول ...ودول ربنا بيختارهم عشان يموتوا عشان يريحهم من عذبات
الدنيا وخلافاتها وزيفها وخداعها , رحمة
الله عليك محمد يسري سلامة ... بلغ أهالينا هناك السلام" .
هكذا نعى أهل الإسكندرية شيخهم المناضل "محمد يسري
سلامة" , ونحن نقول "إنا لله وإنا إليه راجعون ... أنتم السابقون ونحن
اللأحقون بإذن الله " , مع الأنبياء والقديسين والشهداء والأنقياء في ملكوت السماء هكذا
أفضل " .
ليست هناك تعليقات:
إرسال تعليق