 |
| إجتماع عمومية نقابة الصيادلة بالاسكندرية لمناقشة الادوية منتهية الصلاحية |
محلي –
الإسكندرية : سهيلة محسن
بين
الطبيب والصيدلي المريض حائر وبين الطبيب وشركات الادوية ومنافذ التوزيع الصيدلي ,
حائر وستستمر تلك المعضلة طالما الحكومة لاتريد الدخول كطرف اساسي في الامر , والتي
من المفترض ان تحرص علي صحة المريض وتعمل علي راحته , حيث أن حق اساسي من حقوق
الانسان هو :" لكل شخص الحق في مستوى من المعيشة كاف للمحافظة على الصحة
والرفاهية له ولأسرته، ويتضمن ذلك التغذية والملبس والمسكن والعناية الطبية وكذلك
الخدمات الاجتماعية اللازمة".
أدوية
الـ Expired
 |
| دكتور عمرو عبد الفتاح - صاحب صيدلية |
وذلك
ايضا ماتتضمنه الاتفاقيات والعهود التي وافقت ووقعت عليها حكومات مصر المحروسة , ونجدها
ايضا نصوص في دستور المعزول وايضا الدستور الجديد المرضي عنه , ولايخفي علي أحد أنه
من أخطر الأمور علي صحة المواطن المريض هي الأدوية الـ Expired أي "منتهية الصلاحية" , ولكن المدهش
ان الحكومة تقف موقف المتفرج أمام أمر بهذه الخطورة.
 |
| الدكتور احمد سالم الامين العام لنقابة الصيادلة بالاسكندرية |
وتلك
المشكلة لم تحدث امس فهي ممتدة من زمن بعيد فكما قال الدكتور احمد سالم الامين
العام لنقابة الصيادلة :" بقالنا فترة طويلة بتتحل شوية وتتازم شوية السبب ان
احنا دلوقتي رجعنا للموضوع ده تاني أن الصيدليات بقي فيها كميات كبيرة اوي من
الادوية منتهية الصلاحية وده مش بياثر علي صاحب الصيدلية بس كمان بياثر علي صحة المريض"
, وأضاف:"إحنا كان حصل من 2010
الشركات كانت عملت زي مابيقولوا غسيل كده راحت اخدت فترة Expired كبيرة لفترة سنتين سابقه هو مشكلة ان الشركة تقلك ايه لو مرجعتش
الاكسبيرد خلال 3 شهور انا مش حرجعهولك فيفضل موجود عند الصيدلي فمن 2012 فضل
متراكم عندنا لحد دلوقتي والشركات بتاخد نسبة ضئيلة جدا وفي شركات تقولك انا معرفش
حاجه عنها".
كيف
يتخلص الصيدلي من أدوية الـ Expired؟
فالصيدلي
يحاول التخلص من مخزون الادوية لدية قبل أن تصبح منتهية الصلاحية حتي لو قبل موعد
الانتهاء بوقت قصير , وذلك لعلمه أن شركة الادوية ومنافذ التوزيع لن تاخذ منه
المنتهي الصلاحية مما يؤثر سلبا علي المريض وهذا ما اكده لنا ايمن جاد الله يملك
صيدلية بكامب شيزار قائلا :" انا لو عندي دوا فضلوا شهرين ويبقي اكسبيرد مش حبيعه
لكن بضطر ابيعه سريعا" , لعلمه انه لن يعود للشركة ,
وقال
اسلام الشرقاوي - مدير فرع احد الصيليات الكبيرة :" مشكلة الادوية المنتهية
الصلاحية على العمل بالإضافة إلى تكدسها في الصيدليات وتسببها في خسائر , يضطر بعض
الصيادلة إلى محاولة تصريفها وتمريرها إلى العميل , مما قد يؤثر بشكل سلبي على
صحته , وهذا لتقليل الخسائر قدر الإمكان و هذا أرفضه شكلاً وموضوعاً فالغاية لا
تبرر الوسيلة كما أن مصلحة المريض فوق كل اعتبار".
تدوير
أدوية الـ Expired
وقال
الدكتور محمد حسان - أمين صندوق نقابة الصيادلة وعضو مجلس إدارتها : "للأسف
الادوية المنتهية الصلاحية في ناس بيستغلوها وبيعيدوا تدويرها مرة تانيه , ويعيدوا
تغليفها مرة تانية وتنزيلها في السوق في شكل يسمح ببيعها مرة اخري , وده بيضر
المريض قبل اي حد تاني" , الامر الذي
يعد في غاية الخطورة .
واكد هذا
الكلان الدكتور أحمد سالم - صيدلي قائلا:" في ناس بتيجي تقول للصيدلي اديني
الاكسبيرد Expired اللي عندك , وحنديكوا مكانه ادوية تاريخها كويس الناس دي مش من
شركة ولاحاجه , ده واحد بيلف كده بعربية بيعمل اية بياخد الدوا ده يعمله repackage –اي اعادة تعبئة- فده طبعا بيؤثر تاثير سئ جدا علي صحة
المريض".
تراكم أدوية الـ Expired... مشكلة
وعن
سبب ركود بعض الادوية بالصيدليات قال دكتور محمد حسان:" في الواقع حاليا
الصيدليات بتعاني من تراكم كميات كبيره من منتهي الصلاحية, للاسف في معوقات كتير بتضعها شركات التوزيع
والشركات المنتجة بتقف عقبة امام ارتجاع المنتهي الصلاحية , بيحددلك وقت معين لازم
ترجع فيه بيحددوا منتجات اه ومنتجات لا , بيقولوا مبقبلش ادوية التلاجه وان انت
ترجع بالشريط والانبول , كل الحاجات دي لما بتتراكم علي مدار السنين بتلاقي ان جزء
كبير جدا من راس مالك تحول الي تالف و, اصلا الصيدليات الاهلية ماهي الا مشروعات
صغيرة في المقام الاول لاتحتمل اقتصادياتها ان يبقي هذا المبلغ يتحول الي تالف
لايستثمر ولا يتم تدويرة".
وأرجع الدكتور احمد سالم المشكلة الي:" هو
المنتج بينزل من شركة الادوية غالبا بيبقي عليه دعاية سيئة فبيفضل راكد عند
الصيدلي المشكلة ان الشركة بتبقي رافضه نسبة الاكسبيرد اللي بتاخدها" .
وكان
رأي الدكتور عمرو عبد الفتاح - صاحب صيدلية :" هي المشكة مشكلة السلاسل يعني
كارثة الدوا في مصر ترجع للسلاسل السلاسل هي اللي مبوظه السوق" , كما اضاف:"
مشكلة كبيرة لان احنا وصلنا ل13000 صنف بتجيلك روشته فيها صنف واحد , ودي مرة في
العمر ممكن متجيش تاني اضطر اجيب علبة والتانية عشان علي احتمالية ان الزبون ممكن
يرجع ياخدها تاني , وتفضل العلبه دي في ارابيزي واتصل بالشركة يقولك لا احنا
مبناخدش طب انا ايه ذنبي البس العلبة دي عشان خاطر ان انا اشترتها ووفرتها
لزبون".
دور نقابة
الصيادلة في مشكلة أدوية الـ Expired
هذا الأمر
الذي دفع نقابة الصيادلة لاصدار بيان فحواه : "تعنت غرفة صناعة الادوية ورابطة الموزعين ومستوردي الادوية في استرداد
الادوية منتهية الصلاحية " , وقد قرر البيان جمع كل الأدوية المنتهية الصلاحية
وتخصيم كامل القيمة من أحد الموزعين الكبار "واحد فقط" وذلك للتخلص
النهائي من كافة الأدوية منتهية الصلاحية والحفاظ على صحة المريض المصري من خطر
تدوير هذه الأدوية مرة ثانية وفي حالة عدم إستلام الأدوية يعلق الصيدلي حساب
مطالبة الشهر لهذا الموزع لحين إستلام المرتجعات وفقا ً لقرار المجلس كما اكدوا ايضا علي الإستعداد التام لإي خطوات تصعيدية أخرى قادمة تجاه كل من يقف ضد مصالح
الصيادلة يتخذ المجلس كافة الإجراءات القانونية والإعلامية اللازمة لحماية الصيدلي
والمريض المصري بما يضمن التخلص من هذه الأدوية.
وعن توضيح
للبيانات والخطوات التي سيتخذها الصيادلة قال الدكتور احمد سالم:" الخطوة
الاساسية اللي جاية احنا مبندفعش الدوا في ساعتها احنا بندفع خلال شهر من استلام ,
الدوا فعند تسديد المطالبة احنا حنخصم الدوا من الاكسبيرد اللي عندنا من مطالبة
احدي الشركات , وهما يشفولهم حل بقي مع وزارة الصحة احنا حنصدر المشكلة من عندنا
لحد تاني , لكن احنا مش حنتحمل مسؤلية صحة المريض".
واكد الدكتور
محمد حسان:" بالنسبة للشركات احنا نقابة الصيادله بنسعي للتعاون والتفاهم
والتفاوض , لكن للاسف الشديد فوجئنا في الفترة الاخيرة ان شركات الادوية ضربت بعرض
الحائط حاجه اسمها نقابة , فكان انسب رد عليها اننا نطالب صيدلايتنا انها ترجع
الادوية لواحده من الشركات , احنا دلوقت عايزين ننضف صيدلايتنا مما هو منتهي
الصلاحية كل صيدلي له حرية اختيار موزع واحد يرجعله كل المرتجعات واعتقد الشركات
بعد كده حترجع تتفاوض ونقدر نتكلم عن وضع قواعد منظمه للموضوع ده".
وعن علم الصيادلة ببيان النقابة قال الدكتور اسلام
الشرقاوي:" بيان نقابة الصيادلة سمعناه مراراً وتكراراً يبقى أن يتم تنفيذه
بشكل جدي بالضغط الفعال على تلك الشركات لقبول تلك المرتجعات ف, دعنا نتفق أن قرار
المقاطعة سيكون غير فعال لحاجتنا نحن الصيادلة لتلك الشركات دوماً , فلابد من
ايجاد طرق بديلة للضغط على تلك الشركات"
وقال الدكتور عمرو عبد الفتاح :"القرار عرفته دلوقت
المشكلة الالتزام في صيادله بيبقالها مصالح صيدلي المندوب صاحبه فبيظبطه بحاجات
تانيه , بيظبطه في مناقصات فبيصهين شوية عن الاكسبيرد , لازم يبقي فيه التزام من
الصيدليات الصغيرة ويكون في ضغط من وزارة الصحه علي الصيدليات الكبيرة , وهي اللي
مبوظه السوق احتكار الادوية المدعمة الالبان كل حاجه".
اما الدكتور ايمن شعث فقال:" المهم ان القرار ده
يفعل ده اهم شئ لان الشركات بتضغط عليك فبتضرك ان الاكسبيرد بيضيع لو عمالنا قرار
المقاطعه واتفعل علي شركة شركتين كعينه حيؤتي ثمارة".
اما عن رأيهم في القرار
فاكدوا انه في صالح الصيدلي والمواطن , لكن المهم هم تطبيقه والالتزم به فقد قال
الدكتور اسلام الشرقاوي:" موقف النقابة دائماً في صالح المهنة والمواطن و لكن
طريقة تنفيذه هي التي تحتاج إلى تنشيط ، فالنقابة تفعل ما بوسعها و لكن أحيانا لا
نستطيع أن نتعامل في أشياء خارج إرادتنا ، فعلى سبيل المثال هناك مشاكل في مهنتنا
لا تنتهي كالأدوية المغشوشة والأدوية مجهولة المصدر والتلاعب بأسعار الدواء ، فأنا
متاكد من أن النقابة عندها القدرة على اتخاذ الموقف و لكن بالنسبة لقدرتها على حل
تلك المشكلة فهذا يعود إلى مدى التعاون من الجهات المعنية معها كوزارة الصحة
ووزارة الصناعة وغيرها ، بالإضافة إلى جموع الصيادلة في شتى المجالات"
وعن رأي الدكتور عمرو عبد
الفتاح قال:" اثره كويس علي الصيدلي والمواطن طبعا مفيش كلام علي الاقل
المواطن حياخد ادوية كمان بجودة عالية المكاتب الصغيرة كمان اللي بتعمل كارثة
الاكسبيرد في الاخر النقطه التانيه لازم اضغط كمان علي مخازن الادوية اغلب
الصيادلة بتتعامل مع المخازن دي رقم واحد لازم اضغط عالمخزن عشان المخزن يضغط علي
شركة الادوية انه لازم ياخد هو اكسبيرد" واكد الدكتور ايمن شعث:" ملوش
عيوب مطلقا" واضاف:" القرار بيطمن بس يتنفذ انا ممكن يبقي ليا مصلحة مع
الشركة منفذش الشركة بتدي خصومات للمجموات الكبيرة فمتنفذش".
جمعية عمومية لبحث مشكلة أدوية
الـ Expired
من جانبها عقدت نقابة
الصيادلة بالاسكندرية جمعية عمومية غير عادية يوم 11/1/2014 , لبحث مشكلة الادوية
منتهية الصلاحية , وتوصلت لعدة خطوات تصعيدية في سبيل حل تلك المشكلة , تبدأها
بتعريف كافة الصيادلة بقرار النقابة وبدأ تفعيلة , وفي حالة عدم استجابة الشركات
فسوف يدعوا وسائل الاعلام وحرق الادوية منتهية الصلاحية امام النقابة للفت النظر
لمشكلتهم .
وقال الدكتور احمد
سالم:" احنا خاطبنا كل الشركات وهيئة صناعة الدوا والغرفة التجارية , ووصلنا
معاهم لطريق مسدود , فقلنا حفاظا علي صحة المريض وحفاظا علي اصحاب الصيدليات لازم
نتخلص من الدوا ده باي طريقة , واحنا بندعوكوا , وبندعوا كل الصحافة والاعلام احنا
جزء كبير من الدوا حنقوم بحرقة عشان نحافظ علي صحة المريض , مش حنسمح للدوا ده
يعاد تدويره وحنحرقة في الشارع , وخسارة فلوس بخسارة مش مشكلة"
وأكد الدكتور محمد حسان علي
ضرورة تدخل وزارة الصحة قائلا:" عشان كده احنا مش بندعو أن مش مجرد الشركات
بس تتعاون معانا , ان الحكومة يكون لها دور فاعل في الموضوع ده وزارة الصحه يجب ان
تتدخل بشكل اساسي ومحورى في الموضوع ده , في قرارات كتير جدا طالعه من وزارة الصحه
تجبر الشركات علي تجميع الادوية منتهية الصلاحية , وتجبر التفتيش الصيدلي انه
يعدمها , بعد كده ممكن الصيدلي ياخد محضر الاعدام وبعد كده الصيدلي يستخدمه في
التخصيم من ضرايبه وما شابه ذلك , ولكن لاتوجد ارادة حقيقية لتنفيذ هذا الموضوع مش
في الحكومة دي بس , لكن في كل الحكومات السابقة لم نجد حكومة او وزير صحة لديه
الارادة الكافية انه يحل المشكلة دي حل جذرى، القرار موجود لكن لاتوجد اراده
لتطبيقة لاتوجد الية لتطبيقة محدش بيسال عنه محدشش بيتابعه ففي النهاية قدامنا
تلال من المرتجعات موجوده في الصيدليات بتهدد اقتصادياتنا وبتهدد صحة المربض"
وكآخر التطورات في هذا الشأن
اجتمع مجلس نقابة الصيادلة وقرروا تنظيم اضراب يوم الخامس من فبراير القادم
للمطالبة بعدة مطالب منها الكادر وايضا تطبيق الاسم العلمي للادوية بدلا من الاسم
التجاري واهمها الزام شركات ومخازن الادوية باسترجاع الادوية منتهية الصلاحية.
فهل سيلفت الاضراب نظر
الحكومة لمشاكل الصيادلة والتي تؤثر علي صحة المريض؟ ام ستعتبرها مطالب "فئوية"مثلما
تتعامل دائما؟.
المواضيع المرتبطة :
ليست هناك تعليقات:
إرسال تعليق