 |
| ضابط المرور الشعبي بسيدي جابر والمراقب الشعبي لمحلي - الإسكندرية |
محلي – الإسكندرية : نور النسر , محمد
رزق
مقولة قالها منير محمد الشهير بـ ناصر
المصرى وهو رجل المرور الشعبي المجهول الذى تطوع منذ 30 يونيو الماضي , وحتى يومنا
هذا لتنظيم الحركة المرورية بسيدى جابر المحطة , و"المصرى" هو شاب 33 عام
يعمل مبيض محارة من ساكنى محرم بك يتجه بعد انتهاء عمله لسيدى جابر المحطة لتنظيم
الحركة المرورية فيها من السادسة مساء وحتى موعد الحظر .
بدأ ناصر المصري حديثه : "اللى عمله مرسى خلانى اتحرك , تصوروا ماعملش حاجة للشعب , ماعملش غير قطع النور وضياع كرامتنا ، ما كنتش متخيل ان الناس اللى عاملة فيها بتاعة ربنا تعمل فينا كدا ."
وعندما سئل لماذا تنظيم المرور أكد ناصر المصري : "مش هواية , لكن دا عمل شوفت إني هقدر من خلاله اقدم خدمة لوطنى , ولقيت ضباط المرور مرحبين بيه جدا , ومدير الامن بيشوفنى وبيرحب بمجهودى دايما".
وأشار ناصر المصري أن هذا العمل أكسبه
طولة البال , وأضاف : "من كتر الشتايم اللى باخدها من الناس المارة , عذرت
وحسيت بضباط المرور من وقفتى دى قد ايه هما بيعانوا , و قد ايه هما بيتحكموا فى
نفسهم."
وعند سؤاله هتعمل ايه لو جه ف يوم
وقالك ضابط المرور احنا استغيننا عن تطوعك معانا ومش هينفع تقف تانى هنا ؟ , أجاب
ناصر المصري : "مش هزعل لو يقولولى احنا استغنينا عن خدمتك ،لأنى بعمل ده حب
في بلدى ".
وأنهى حديثه وعيناه على حشد السيرات المار في سيدي جابر بتمنى أشوف فى الفترة المقبلة بمصر , فتح ملف المرور لأن الشعب المصرى لسه مش مهتم بالمرور ، كسر إشارة ومرور عكس الاتجاه .
المواضيع المرتبطة
ليست هناك تعليقات:
إرسال تعليق