مواطني الإسكندرية يشتكون عدم توفر المواصلات قبل ساعات الحظر

إنزال المواطنين من المواصلات أثناء تطبيق حظر التجول

محلي – الإسكندرية : إسلام ابو المجد

الإسكندرية أحد المدن التي يطبق عليها قرار "حظر التجول" المفروض من الساعة السابعة مساءاً وحتى السادسة صباحا ً من كل يوم , وتم رصد عدد كبير من المواطنين من الساعة الرابعة عصرأ وحتى ميعاد "حظر التجول" يعانون من عدم وجود مواصلات لنقلهم لمنازلهم قبل موعد الحظر.

وقال أحد المواطنين الواقف بمنطقة الإبراهيمية على الكورنيش : "عايزين يعملوا حظر , إزاي ما يكونش فيه مواصلات علشان نروح , واقف بقالي ساعة ونصف وميعاد الحظر قرب وأنا ساكن في باكوس".

وقال مواطن آخر يقف بنفس المنطقة : "لازم يتم توفير المواصلات خاصة من الساعة 5 لغاية ميعاد الحظر , علشان الناس ما تتعرض للبهدلة ".

وقالت مواطنة تقف بنفس المنطقة : "أنا من الساعة 4:30 واقفة , يعني واقفة ساعة ماشفتش أتوبيس نقل عام واحد , إزاي ما يتمش تشغيل النقل العام في الوقت الحساس ده ".

وقال أحد المواطنين الواقف بمنطقة سيدي جابر شارع أبي قير : "مش عارفين نروح والساعة دلوقت 6:30 , يمسكونا بقى ويريحونا من عذاب كل يوم ده".

وقال مواكن آخر يقف بنفس المنطقة : "كل يوم دايخين , المواصلات مش موجودة على الرغم أن السائقين زودوا الأجرة لكن هنعمل أيه؟".

وفي الطريق من سيدي جابر إلى منطقة سيدي بشر وعند الساعة 7:15 توقف الطريق , ووصلت أنباء عن قيام الجيش بمنطقة مزلقان فيكتوريا بغلق طريق جمال عبد الناصر , وتبادل السائقين عبارة : "الجيش بيرجع العربيان خلاص" , وبدأت السيارات أمام في الرجوع أوإتخاذ طرق فرعية حول مناطق تواجد كمائن الجيش , ووسط عذاب المواطنين .