محلي - الإسكندرية : سمية علي
 |
| صورة أرشيفية |
دشن مجموعة من مواطني الإسكندرية دعوة للتظاهر أمام المجلس المحلي - المقر المؤقت للمحافظة بعنوان "عايزين نشتغل" , وذلك يوم 10 يونيو المقبل , وقال أحمد الصردي احد المنظمين للدعوة : "نحن شباب الخريجين نبحث عن حقوقنا الغائبه , والتي يكفلها الدستور المصري الذي يلزم ويجبر الدولة علي توفير فرص عمل مناسبة لكل خريج".
وجاءت الدعوة كما يلي :
لو متخرج ومش لاقي شغل .. انزل معانا
لو متخرج والسنين بتعدي عليك وانت مكانك .. انزل معانا
لو شايف ان لسه في محسوبية وكوسة في التعيين .. انزل معانا
لو شايف ان مفيش امل الا بالضغط والمطالبة بحقنا .. انزل معانا
انزل معانا عشان نقولها بكل قوة .. عايزين حقنا
انزل معانا عشان نطالب بفرصة عمل مناسبة لكل خريج
معادنا ؟؟؟؟ الساعة 11 صباحا امام المجلس الشعبي المحلي ( المقر المؤقت للمحافظة ) بكوم الدكه
وأعلن المنظمون للتظاهر مطالبهم وهي كما يلي :
فرصة عمل مناسبة للخريجين
صرف اعانه بطاله لكل خريج لا يعمل
القضاء علي المحسوبية
واكدوا مطالبهم بقول أحمد الصردي : "نازلين نجيب حقنا ومش هنيأس ومش هنزهق ودي البداية , لا يضيع حق وراءه مطالب " .
ووقعوا مطالبهم بـ "شباب .. خريجين .. عاطلين".
ليست هناك تعليقات:
إرسال تعليق